Sunday, October 11, 2009

Two cartularies of the Benedictine ... - Google Books

Two cartularies of the Benedictine ... - Google Books.



University of Toronto Deeds Project

Display: "Hec est [...] tunc ibi presentibus inter Willelmum Ruphum Willelmum Fromond Stephanum le Drake et Willelmum le Blund petentes et Willelmum Aurifabrum deforciantem de xx s qui eis a retro fuerunt de annuo redditu v s et unde placitum annui redditus summonitum fuit inter eos in eadem curia scilicet quod predictus Willelmus Aurifaber recognovit se teneri in v s annui redditus dictis Willelmo Rupho Willelmo Fromond Stephano le Drake et Willelmo le Blund tanquam procuratoribus misse Beate Marie singulis diebus celebrande in ecclesia Beati Johannis Baptiste de Glaston et tanquam de hiis quas dicti Willelmus Willelmus Stephanus et Willelmus procuratores dicte misse habent de dono dicti Willelmi Aurifabri ad sustentacionem dicte misse celebrande in puram et perpetuam elemosinam et pro hac recognicione fine et concordia predicti Willelmus Willelmus Stephanus et Willelmus procuratores dicte misse remiserunt et quietumclamaverunt pro se et procuratoribus eiusdem misse futuris dicto Willelmo Aurifabro et heredibus suis xij d singulis annis de predicto annuo redditu v s et arreragia xx s et predictus Willelmus Aurifaber concessit pro se et heredibus suis in perpetuum quod predicti Willelmus Willelmus Stephanus et Willelmus vel alii procuratores dicte misse qui pro tempore fuerint percipiant singulis annis iiij s predicti annui redditus de tenemento dicti Willelmi in Chalcwell' ad ij anni terminos videlicet ad Pascha ij s et ad festum Sancti Michaelis ij s et illud tenementum racionabiliter distringant pro ipso redditu si necesse fuerit in perpetuum ad sustentacionem predicte misse percipiendam"

University of Toronto Deeds Project

Display: "Omnibus Christi fidelibus [etc] Johannes Godyng' de Glaston salutem in Dno sempiternam Noverit universitas vestra quod cum dni mei dns Johannes permissione divina abbas Glaston et eiusdem loci conventus michi dederint et concesserint j mesuagium cum curtilagio et omnibus pertinenciis suis in magno vico ville Glaston illud scilicet quod situm est inter tenementum quod aliquando fuit Willelmi de Celario ex una parte et tenementum Roberti de Estrete ex altera parte habend et tenend michi et heredibus seu assignatis meis in perpetuum de prefatis abbate et conventu eorumque successoribus libere quiete pacifice et integre prout in carta eorundem michi super hoc confecta plenius continetur volo et concedo pro me et heredibus seu assignatis meis quod memorati abbas et conventus aut successores eorum non teneantur michi ad warentiam tercie partis prefati tenementi si Isabella relicta quondam Walteri le Drake iuste habere debeat nomine dotis terciam partem tenementi predicti [...] Dat et act Glaston mense Junii anno Dni mcclxxxxv et anno regni regis Edwardi xxiij"

University of Toronto Deeds Project

Display: "Omnibus Christi fidelibus hoc scriptum visuris vel audituris Adam de Byrkinside salutem in Domino Noveritis me Dei intuitu et pro salute anime mee et animabus antecessorum meorum dedisse concessisse et hoc presenti scripto confirmasse Deo et beate Marie Magdalene [et] ecclesie de Lanrecost' et canonicis regularibus ibidem Deo servientibus duos denarios annui redditus de terra mea de Milneton quam emi de Thoma filio Drake ad festum beate Marie Magdalene annuatim recipiendum quamdiu ego Adam et Johanna sponsa mea vixerimus Ita videlicet quod dicta terra de Milnton' remaneat mihi et Johanne sponse mee in vita nostra vel alteri nostrum quem diutius vivere contigerit reddendo Deo et beate Marie Magdalene ac prefatis religiosis de Lanrecost' predictum annuum redditum termino prenominato quos facio et constituo heredes et assignatos meos totius terre antedicte de Milnton' cum omnibus pertinenciis suis ac eisdem religiosis totum jus et clamium quod habeo vel habui in dicta terra cum pertinenciis dono concedo et quietumclamo pro salute anime mee et antecessorum meorum in liberam puram et perpetuam elemosinam Ita quod post decessum meum et johanne sponse mee predicti religiosi quos ut dictum est heredes meos et assignatos totius predicte terre cum pertinenciis facio et constituo libere et sine impedimento possint intrare dictam terram cum pertinenciis tanquam tenementum suum et prout libuerit ordinare ac facere de eadem In cuius rei testimonium presenti scripto sigillum meum apposui Testibus johanne de Denton' Roberto de Warthewyk' Roberto de Tylleoll' w[illelmo] de Leversdate Roberto de Lamore Hugone de Talkan Roberto de Camboc et aliis Acta et data apud Byrkinside anno incarnationis Dominice m cc lxxx quinto ii kal' Marcii"

University of Toronto Deeds Project

#00740125
Hec est finalis concordia facta in curia domini regis apud Westm' a die purificationis beate Marie in unum mensem anno regni regis Henrici filii regis Johannis decimo coram Martino de Pat'hill' Thoma de Muleton' Thoma de Heiden' Roberto de Lexinton' Galfrido le Sauvage Warino filio Joheli justic' et aliis domini regis fidelibus tunc ibi presentibus inter burgenses de Wycumb' querentes et Alanum Basset de vexationibus et injuriis quas idem Alanus' fecit eisdem burgensibus ut dixerunt contra libertates quas idem burgenses dicebant se habere ex dono antecessorum domini regis et unde placitum fuit inter eos in eadem curia- scilicet quod idem Alanus quantum in eo et heredibus suis est concessit eisdem burgensibus totum burgum de Wycumb' cum redditibus mercatis et feiriis et cum omnibus aliis rebus ad liberum burgum pertinentibus sine aliquo retenemento et cum omnibus incrementis et emptionibus quas idem Alanus fecit in eodem burgo et cum edificiis de Cnavenethorn' sicut idem Alanus illa edificia tenuit et cum redditu quatuor solidorum quem Galfridus filius Angod reddere solebat et cum omnibus aliis pertinentiis suis et omnibus rebus ad burgum illum pertinentibus exceptis dominicis ipsius Alani et terris suis forinsecis et molendinis suis que integre remanent eidem Alano et heredibus suis habend et tenend eisdem burgensibus et heredibus ipsorum ad feodi firmam de predicto Alano et heredibus suis inperpetuum reddendo inde per annum triginta libras et unam marcam argenti ad duos terminos anni scilicet ad festum sancti Michaelis quindecim libras et dimidiam marcam et ad festum sancte Marie in Martio quindecim libras et dimidiam marcam pro omni servitio et exactione ad predictum Alanum vel ad heredes suos pertinente Et hec concordia facta fuit inter eos salvo fine facto inter predictum Alanum et abbatissam de Godestowe ita scilicet quod redditus et consuetudines quas homines ipsius abbatisse reddere solent eidem Alano remaneant ipsis burgensibus et heredibus ipsorum in auxilium ad predictam feodifirmam faciendam secundum finem prius factum inter eundem Alanum et predictam abbatissam salvis eidem Alano et heredibus suis rationabilibus auxiliis suis quando dominus rex et heredes sui talliabunt dominica sua per Angliam Et sciendum quod predictus Alanus et heredes sui aquietabunt predictos burgenses et heredes ipsorum versus dominum regem et heredes suos de firma viginti librarum quam idem Alanus inde debet domino regi et similiter de forinseco servitio feodi unius militis quod predictus Alanus debet de terre de Wycumb' quam habet ex dono domini regis Johannis Sciendum etiam quod feiria de averiis remanebit singulis annis in campo ipsius Alani ubi et sicut prius esse solebat salvis eisdem burgensibus et heredibus ipsorum consuetudinibus inde provenientibus Et idem Alanus et heredes sui habeant fima inventa in vicis de Wycumb' sicut idem Alanus ea prius habere consue[bat] Et si forte predicti burgenses vel heredes sui non reddiderint eidem Alano et heredibus suis predictas triginta libras et predictam marcam ad terminos statutos secundum quod predictum est vel talla[gia] cum evenerint bene licebit eidem Alano et heredibus suis distringere ipsos burgenses et heredes suos per catalla inventa infra predictum burgum et extra super feodum ipsius Alani et hered[um] suorum usque ad plenam solutionem predictarum triginta librarum et unius marce et predicti tallagii Et pro hac concessione fine et concordia predicti burgenses remiserunt et quieta clamaverunt de se et heredibus ipsorum ipsi Alano et heredibus suis omnia dampna que dicebant se habere per predictas vexationes et injurias Et sciendum quod Ada Waldere Thomas filius Pagani Johannes de Brictewell' Johannes le Duc Willelmus Cole Robertus de Shobinton' Johannes filius Roberti Walterus Slegh Walterus le Drake Radulfus faber Baldewinus le seler Nicholaus Bracemer Hugo faber Galfridus filius Katerine Ricardus de Dusteburg' Walterus de Puderigge Willelmus de Berchamstede Rogerus filius Philippi Simon le tanur Ada Serle Walterus filius Warini Alexander le Duc Galfridus Buche Henricus Niger Ada Bil Petrus Kuppelove burgenses de Wycumb' venerunt in eadem curia et testati fuerunt quod omnes alii burgenses eiusdem ville concordiam illam ratam habuerunt et eandem concesserunt

University of Toronto Deeds Project

#00330958

Nouerint uniuersi quod ego Rogerus Drake filius Roberti le Reue de Chalcforde remisi et quietum clamaui pro me in perpetuum magistro et fratribus hospitalis sancti Iohannis extra portam orientalem Oxonie omnes actiones exactiones petitiones et iura que uel quas habui uel habere potui in admissione receptione seu sustentatione mea in predicta domo in quibus michi tenebantur aliquo tempore sua pura et spontanea et non compulsa seu nescessaria uoluntate ita quod nec ego nec aliquis nomine meo super premissis a dicta domo uel in dicta domo futuris temporibus quicquam iuris exigere potero seu uendicare quia saniori ductus consilio fidem promissam et uotum emissum uolens adimplere matrimonium inter me et Ingeleys de Nort Merstone de facto contractum ante conuentionem inter me et predictos magistrum et fratres initam cohercione ecclesiastica inpellente ducere compellor ad effectum et peregrinationem similiter terre sancte quam me faciendam deuoui personaliter uelim adimplere quam sine dispendio salutis eterne nulla potero ratione deuitare Et propter bonum conscientie diuine pietatis intuitu ad premissa prout teneor adimplenda nulla ipsos compellente necessitate ratione uel iure dederunt michi predicti magister et fratres decem marcas argenti pre manibus in mei seruitii et laboris remunerationem et propter presentem remissionem et quietam clamationem Renuntio insuper in hac parte et in hoc facto omni inpetrationi cauillationi exactioni et omni iuris remedio ciuilis et canonici ecclesiastici et secularis michi uel alicui alteri nomine meo competituro et me de iure uel de facto nunquam contra premissa uel aliquid premissorum uenturum uel aliquid aliud ab eis futuris temporibus exacturum inspectis et tactis sacrosanctis dei ewangeliis sacramentum in presentia multorum fidedignorum prestiti corporale et ad maiorem securitatem presenti scripto sigillum meum apposui et sigilla Iohannis Marescalli Henrici de Maydewelle Philippi Clerici Thome le Espicer de Oxonia ad maiorem huius rei securitatem et fidem faciendam pleniorem presentibus apponi procuraui Dat Oxonie in festo sanctorum Septem Fratrum anno gracie millesimo ducentesimo octogesimo tercio